Нетаняху Мамданига мурожаат қилди

"Жаноб Мамдани, сиз бу шаҳар мери этиб сайланганингиздан бери кўплаб яҳудийлар энди Нью-Йоркда ўзларини хавфсиз ҳис қилишмаяпти. Улар менга: "Бу биз эслаган шаҳар эмас. У жуда тез ўзгарди", дейишади. Хўш, бунинг ажабланарли жойи йўқ.

Сиз Ҳамасни қўллаб-қувватлаганликда айбланган жиноятчиларни мақтайсиз. Дўстларингиз орасида Америка 11-сентябрга лойиқ деб айтган Ҳасан Пикер каби одамларни ҳам санайсиз. Сиз Ҳамас жангариларининг исроиллик гаровга олинганларни калтаклаётганини ва қийноққа солаётганини суратга олган ва кейинчалик террорчиларни ҳимоя қилиш учун видеоларни нашр этишдан бош тортганини тан олган фаластинлик журналистни уйингизга таклиф қилдингиз.

Хотинингизга 7-октябр қирғинини мақтаган пост ёқди. Унга Тел-Авив мавжуд бўлмаслиги кераклиги айтилган яна бир пост ҳам ёқди. Сиз бу баёнотларни қоралашдан бош тортасиз.

Жаноб Мамданий, сиз менинг бу ерга келишимга тўсқинлик қилишга ҳаракат қилдингиз. Сиз мени жим қилишга ҳаракат қилдингизми? Хўш, сиз мени жим қила олмайсиз. Сиз ҳақиқатни жим қила олмайсиз."

Нетаняху деярли бўш залда нутқ қилмоқда. Исроил ОАВ ҳисоб-китобига кўра, унинг нутқи вақтида 77 давлат делегацияси залда бўлмаган. Рўйхатда Ўзбекистон ҳам бор.