Исроил Суриянинг жанубидаги иккита шаҳарда тозалаш операциясини ўтказди

Исроил махсус кучлари бўлинмалари Суриянинг Дараа вилоятидаги иккита қишлоқни тозалади.

Бу ҳақда Al Mayadeen телеканали хабар бермоқда.

Хабарга кўра, еттита зирҳли машинада Исроил қўшинлари Ярмук дарёсидаги Масартия қишлоғига киришган. Маҳаллий аҳолининг уйларини тинтув қилиш пайтида радикал гуруҳларга мансубликда гумон қилинган икки киши ҳибсга олинган.

Хабарда таъкидланишича, яна бир махсус кучлар бўлинмаси Сайсун қишлоғида операция ўтказди, у ерда операция давомида қишлоққа олиб борадиган йўллар тўсиб қўйилган.