Исроил Сурия билан бир қанча шартлар асосида келишувга эришишга тайёр

Исроил Дамашқ жанубидаги ҳудудларни қуролсизлантириш ва яҳудий давлати Голан тепаликларидаги буфер зонани назорат қилишда давом этиши шарти билан Сурия билан келишувга эришишга тайёр.

Бу ҳақда Исроил бош вазири Беньямин Нетаньяху маълум қилди.

"Биз Суриядан, биринчи навбатда, Дамашқдан ўзаро алоқа чизиғигача, шу жумладан, Хермон тоғи ва унинг чўққисига яқинлашиш учун қуролсизланган ҳудуд ташкил этишини кутамиз. Биз Исроил фуқароларининг хавфсизлигини таъминлаш учун бу ҳудудларни ушлаб турибмиз ва бу бизнинг мажбуриятимиздир. Бу тамойилларни яхши муносабатда ва тушунган ҳолда, сурияликлар билан ҳар қандай ҳолатда ҳам келишувга эришишимиз мумкин. вазирлик идораси унинг сўзларидан иқтибос келтирган.