Исроил Олий суди: "Фаластинлик маҳбуслар ёмон овқатланяпти"

Исроил Олий суди ҳукумат фаластинлик маҳбусларни етарлича озиқ-овқат билан таъминламаяпти, деган хулосага келди.

Бу ҳақда Британиянинг The Guardian газетаси хабар бермоқда.

Судьяларнинг фикрича, маҳкумларнинг ҳозирги озиқ-овқат таъминоти қонунда белгиланган меъёрларга риоя этилишини кафолатламайди. Шу муносабат билан Исроил қамоқхона хизмати (Шаббас) фаластинликларни зарур миқдорда озиқ-овқат билан таъминлаш чораларини кўриши керак.

Олий суд қарори ўтган йили Исроилда фуқаролик ҳуқуқлари ассоциацияси (ACRI) ва Исроилнинг Гиша инсон ҳуқуқлари гуруҳи томонидан берилган петицияга жавобан қабул қилинган. Унда фаластинликлар қамоқхоналарда оч қолаётгани даъво қилинган.

Ўз навбатида, мамлакатдаги ахлоқ тузатиш муассасаларига масъул бўлган Исроил миллий хавфсизлик вазири Итамар Бен-Гвир Олий суд қарорини танқид қилиб, "террорчиларни ҲАМАС ҳаракатидан ҳимоя қилишини" айтди.