Исроил мудофаа армиясининг уч генерали ва ўнлаб қўмондонлари лавозимидан озод этилди

Исроил мудофаа армиясининг уч генерали ва ўнлаб қўмондонлари 2023 йил 7 октябрда ҲАМАСнинг Исроилга ҳужумига йўл қўйгани учун лавозимидан озод этилди.

Бу ҳақда AFP агентлиги Исроил Бош штаби қарорига таяниб хабар берди.

"Гап ЦАҲАЛнинг собиқ разведка бошлиғи Аарон Халива, оператив бошқарма собиқ раҳбари Одед Басюк ва ўша пайтда жанубий ҳарбий округ учун жавобгар бўлган генерал-майор Ярон Финкелман ҳақида кетмоқда. Финкелман ва Халива 2025 йил январ ойидаёқ 7 октябрда йўл қўйилган хато ва камчиликлар сабабли истеъфога чиққан эди. Басюк эса июн ойида Исроил ва Эрон ўртасидаги урушдан сўнг лавозимини тарк этган", дея ёзмоқда нашр.

Бундан ташқари, Исроил ҳарбий-ҳаво кучлари бошлиғи Томeр Барга нисбатан ҳам интизомий чоралар кўрилган. Яна тўққиз генерал ва юқори лавозимдаги офицерлар ҳам жавобгарликка тортилгани айтилган.