Исроил Ливан жанубига ўнлаб ҳаво ҳужумларини уюштирди

Исроил ҳарбийлари Эрон томонидан қўллаб-қувватланаётган гуруҳнинг мамлакат жанубидаги инфратузилмасига ҳужум уюштирганини маълум қилди ва “Ҳизбуллоҳ”ни қайта тўпланишга уринишда айблади, деб хабар беради Еuronews.

Бу Ҳизбуллоҳ билан ўтган йилги урушни тўхтатган сулҳдан кейин минтақадаги энг кучли портлашлардан бири.

Ливан Соғлиқни сақлаш вазирлиги баёнотида айтилишича, пайшанба куни Исроилнинг Ливан жанубидаги Набатия туманини нишонга олган янги бомбардимонида камида бир киши ҳалок бўлди ва саккиз киши яраланди.