Ғазо Соғлиқни сақлаш вазирлиги Исроил ҳужумидан сўнг Ғазо сектори шимолидаги Камол Адван касалхонаси ходимлари билан алоқани узди. Бу ҳақда бошқарма хабарида айтилади.
Йўқолганлар орасида тиббиёт муассасаси директори Ҳуссам Абу Сафие ҳам бор.
Баёнотга кўра, бугун шифохонага уюштирилган рейд чоғида исроиллик ҳарбийлар у ерда яширинган эркакларни ечиб ташлаган, айримларини ҳибсга олган ва тиббиёт ходимларини бир хонага тўплаган.
Вазирлик халқаро ташкилотларни беморлар ва тиббиёт ходимларини ҳимоя қилиш учун фавқулодда чоралар кўришга чақирди.
Жаҳон соғлиқни сақлаш ташкилоти (ЖССТ) ҳам Исроил ҳужумидан сўнг унинг ходимлари алоқага чиқмаганини айтди.
"Бугун эрталаб Ғазо шимолидаги Камол Адван касалхонасига ҳужум қилингани ҳақидаги хабарлардан сўнг биз ердаги ходимлар билан алоқани уздик", деб ёзди ташкилот бош директори Тедрос Адханом Гебрейесус Х ижтимоий тармоқда.
Исроил аскарларининг Кемал Адван касалхонасига уюштирган тунги босқинида бир қанча болалар қурбон бўлди.
