Ирландия, Австрия ва бошқа давлатлар ҳукуматлари Исроилнинг Ғазони 60 кундан ортиқ қамал қилишини қоралади. Amnesty International ташкилоти озиқ-овқат ва дори-дармонларни тўсишни "ҳарбий жиноят" деб баҳолади.
Ғазодаги гуманитар мувофиқлаштирувчи Амжад Шава, Исроил қамали туфайли "бутун минтақа очликка маҳкум бўлгани" сабабли, кўпроқ болалар тўйиб овқатланмаслик оқибатида ҳалок бўлиши мумкинлигидан огоҳлантирди.
Тиббиёт манбаларига кўра, бугуннинг ўзида Исроилнинг Ғазога уюштирган ҳужумлари натижасида камида 35 киши ҳалок бўлган. Бурейжга уюштирилган битта ҳужумда бир оиланинг тўққиз аъзоси жон берган.
Фаластинни қўллаб-қувватловчи 30 нафар фаолни олиб кетаётган Ғазо Озодлик флотилияси кемаси бомбардимон қилинди. Гуруҳ бу ҳужумда Исроил ёки унинг иттифоқчиларидан бирини айблади. Қурбонлар бўлмаган.
Исроилнинг Ғазога қарши уруши оқибатида камида 52 418 фаластинлик ҳалок бўлди, 118 091 нафари яраланди, деб хабар берди анклавнинг Соғлиқни сақлаш вазирлиги. Ғазо ҳукумати матбуот хизмати вайроналар остида бедарак йўқолган минглаб одамлар ҳалок бўлгани тахмин қилинаётганини айтиб, қурбонлар сонини 61 700 дан ортиқ кишига етказди.
Россияликлар энди урушмоқчи эмас
"Украиналиклар руслар босиб олган ҳудудларни де-факто беришга тайёр"
Индзаги ва Чалҳанўғлу мафияга алоқадорлиги учун дисквалификация қилинди
