Исроил Эроннинг 1000 дан ортиқ дронларини уриб туширди

Эрон билан можаронинг фаол босқичида Исроил ҳарбийлари 1000 дан ортиқ дронларни уриб туширди ва ракеталарнинг қарийб 90 фоизини тутиб олди.

Бу ҳақда Исроилнинг БМТдаги доимий вакили Дэнни Данон БМТ Хавфсизлик кенгашининг Яқин Шарқ бўйича йиғилишидаги чиқиши чоғида айтиб ўтди.

"Биз мингдан ортиқ дронларни зарарсизлантирдик ва шаҳарларимизга отилган ракеталарнинг қарийб 90 фоизини тутиб олдик", — деди у.

Даноннинг сўзларига кўра, жанглар давомида Исроил "бирорта ҳам самолётни йўқотмаган".

Эслатиб ўтамиз, Исроил 13 июнга ўтар кечаси Эронга қарши ҳарбий операция бошлаган эди. Бир кун ўтар-ўтмас Ислом Республикаси жавоб ҳужумини амалга оширди. Қўшма Штатлар можаро авж олганидан тўққиз кун ўтиб кирди: 22 июнга ўтар кечаси Америка қуролли кучлари Эроннинг учта ядровий объектига ҳужум қилди. 23 июнь куни кечқурун Теҳрон Американинг Яқин Шарқдаги энг йирик авиабазаси – Қатардаги Ал-Удейд авиабазасига ракета зарбаси берди. АҚШ расмийларига кўра, қурбонлар йўқ ва жиддий зарар кўрмаган. Кейинроқ АҚШ президенти Дональд Трамп Исроил ва Эрон ўт очишни тўлиқ тўхтатишга келишиб олганини айтди. Ўт очишни тўхтатиш келишуви 24 июндан кучга кирди.