Исроил АҚШнинг 11 нафар асирни озод қилишни ўз ичига олган таклифи асосида ҲАМАС билан Ғазода ўт очишни тўхтатиш бўйича музокараларни қайта бошлашга тайёр эканлигини билдирмоқда.
АҚШнинг Яқин Шарқдаги элчиси Стив Виткофф ўзи "кўприк таклифи" деб атаган режани тақдим этди. Бу таклиф келишувнинг биринчи босқичини апрель ойининг ўрталаригача узайтиради, унинг айтишича, бу доимий ўт очишни тўхтатиш бўйича музокаралар олиб бориш учун имконият яратади.
Исроил муддатни узайтиришни талаб қилмоқда, аммо ҲАМАС январь ойида келишилганидек, ўт очишни тўхтатишнинг иккинчи босқичини амалга ошириш бўйича музокараларни давом эттиришни истаяпти. Бу эса охир-оқибат урушнинг бутунлай тугашига олиб келиши мумкин.
ҲАМАС Исроилни Ғазога тўлиқ қамал ўрнатгани учун "шантаж" қилишда айблади.