Испаниялик юлдуз "Реал" ва "Барселона" ўртасида танлов қилди

Испания терма жамоаси ва "Атлетик" клуби вингери Нико Уильямс клубини ўзгартирмоқчи. Fichajes нашри тарқатган хабарга кўра, вингер келаси йилнинг ёзида "Реал" сафига бориб қўшилишга умид қилмоқда.

Уильямс энди унинг трансфер нархини кўтара олмайдиган Каталониянинг "Барселона" клубига ўтишга умид қилмаяпти. Transfermarkt портали 23 ёшли футболчининг бозор нархини 60 миллион еврога баҳоламоқда.

Нико басклар жамоасида 2021 йилнинг ёзидан буён тўп тепиб келмоқда. Уильямс ва "Атлетик" ўртасидаги амалдаги меҳнат шартномаси 2035 йилнинг ярмигача мўлжалланган.