Испанияда отишма содир бўлди

Испаниянинг Севилья провинциясидаги барда юз берган отишмада икки киши ҳалок бўлди, яна бири яраланди.

Бу ҳақда EFE нашри хабар бермоқда.

"Шанба куни тушдан кейин Кармона (Севилья провинцияси) муниципалитетининг Лос-Нетос урбанизациясида жойлашган барда содир бўлган отишма натижасида икки киши ҳалок бўлди, яна бири яраланди”, деб ёзади нашр.

Гувоҳларнинг сўзларига кўра, қуролли икки киши барга бостириб кириб, ўт очган. Дастлабки маълумотларга кўра, марҳумлар муассаса эгаси ва отишмаларни тўхтатишга уринган ташриф буюрганлардан бири.

Қайд этилишича, ҳужумдан сўнг икки эркак шаҳар томон қочиб кетган, уларнинг қаерда эканлиги аниқланмоқда. Фуқаролик гвардияси тергов бошлади.