Испания чемпионати. "Барселона" навбатдаги ғалабани қўлга киритди

"Барселона" Испания чемпионатининг 6-турида "Овьедо"ни 3:1 ҳисобида мағлуб этди.

Учрашувнинг 33-дақиқасида мезбонлар ярим ҳимоячиси Альберто Рейна ҳисобни очди. Унинг голи биринчи бўлимда ягона бўлиб қолди. Танаффусдан сўнг каталонияликлар сафида Эрик Гарсия гол уриб, ҳисобни тенглаштиришга эришди. Учрашувнинг 70-дақиқасида Роберт Левандовски меҳмонларни ҳисобда олдинга олиб чиқди, сўнгги дақиқаларда эса Рональд Араухо Маркус Рэшфорднинг узатмасидан фойдаланиб, "кўк-анорранглилар" устунлигини янада мустаҳкамлади.

"Барселона" 16 очко тўплаб, турнир жадвалида 2-ўринни эгаллаб турибди. "Овьедо" эса 3 очко билан 18-поғонада жойлашган.

Ла Лига, 6-тур

Реал Овьедо - Барселона - 1:3

26 сентябрь 2025 йил, жума, 00:30

Голлар: Рейна, 33 (1:0). Э. Гарсия, 56 (1:1). Левандовски, 70 (1:2). Араухо, 88 (1:3)

Овьедо: Эскандель, Байи, Карму, Альхассейн, Ахьядо, Рейна (Брекало, 76), Дендонкер (Коломбатто, 89), Шайра (Форес, 75), Хассан (Сибо, 65), Касорла (Илич, 65), Рондон

Барселона: Х. Гарсия, Араухо, Кубарси, Мартин (Кунде, 73), Э. Гарсия, Педри (Кристенсен, 90+1), Касадо (де Йонг, 46), Ольмо, Рэшфорд (Берналь, 90+1), Рафинья (Левандовски, 66), Торрес

Огоҳлантириш: Байи, 90