"Нефтчи" бош мураббийи Исломбек Исмоилов Элит Осиё Чемпионлар лигаси тарихида бир йўла иккита ёш рекордини янгилади. Бу ҳақда Фарғона клуби матбуот хизмати маълум қилди.
"Нефтчи" мусобақанинг илк турида Ироқнинг "Эйр Форс" жамоасини мағлуб этиб, муҳим уч очкога эга чиқди. Ушбу учрашув жамоа бош мураббийи Исмоилов учун ҳам алоҳида тарихий аҳамият касб этди.
Маълум қилинишича, мутахассис Элит ОЧЛ тарихида жамоани бошқарган энг ёш мураббийга айланди. Шунингдек, у мазкур мусобақада ғалаба қозонган энг ёш бош мураббий сифатида ҳам янги рекорд ўрнатди.
"Исломбек Исмоилов ўз номини Осиё футболининг нуфузли мусобақаси тарихига муҳрлади", — дейилади клуб хабарида.
"Эйр Форс"га қарши баҳс тақдирини Зоран Марушичнинг голи ҳал қилди. Ушбу ғалаба орқали "Нефтчи" Элит ОЧЛдаги дастлабки уч очкосини қўлга киритди.
Фарғоналиклар мусобақанинг 2-турида Саудия Арабистонининг "Ан-Насср" клубига қарши майдонга тушади. Учрашув 12 октябрь кунига белгиланган.
Баҳодир Жалолов жангдан кейин нега Абдуқодир Ҳусанов ва Эрлинг Холанд олдига борди?
Россия терма жамоаси собиқ футболчиси Ўзбекистонни Нигерияга тенглаштирди
«Олтин тўп» ғолиби номи маросимдан олдин ошкор бўлдими?
