Ислам Махачев кейинги жанги ҳақида: "Оқ уйда катта турнир бўлади"

UFC чемпиони Ислам Махачев келаси жангини Оқ уйда ўтказиши мумкинлигини истисно этмади.

У жанг ёзда бўлиб ўтиши эҳтимолини билдирди.

"Келаси жангимни қачон ўтказмоқчиман? Оқ уйда катта турнир бўлади — балки биринчи ва охиргиси. Нима учун бу кардга ўз номимни қўшмаслик керак? Ҳозирги бир ойда вазним қандай бўлишини кўрамиз. Агар 70 кг учун таклиф бўлса ва вазним кўтарилмаса, бу вариантни кўриб чиқиш мумкин. Ҳозирча аниқ жавоб бера олмайман. Бир ой кузатишим керак", — деди Махачев.

Эслатиб ўтамиз, 16 ноябрь куни Махачев яримўрта вазнда дебют қилиб, Жэк Делла Маддаленани мағлуб этган эди. Унгача Ислам енгил вазн тоифасида жанг қилган.