Ишиба: Япония ва АҚШ ўзаро бож урушидан қочиши мумкин

Якшанба куни бош вазир Шигеру Ишиба Япониянинг Қўшма Штатларга экспорти учун божлар оширилмаслигига умид билдирди.

Ишибанинг айтишича, у АҚШ президенти Доналд Трамп "Япония кетма-кет беш йил давомида Қўшма Штатларга дунёдаги энг йирик сармоядор бўлиб келганини ва шу сабабли бошқа мамлакатлардан фарқ қилишини тан олган" деб ҳисоблайди.

"Япония АҚШда кўплаб иш ўринларини яратмоқда," деди Ишиба. "Вашингтон тўғридан-тўғри юқори тарифлар ғоясини қўлламайди деб ўйлайман."

Токио Трамп Оқ уйга қайтганидан бери савдо урушидан четда қолишга эришди.

Трамп Хитойдан импорт қилинадиган барча товарлар учун 10 фоизлик солиқ жорий этди, бироқ Мексика ва Канадага нисбатан тариф таҳдидларини 30 кунга кечиктирди.

Трамп Ишибани Токионинг Вашингтон билан йиллик 68,5 миллиард долларлик савдо профитситини қисқартиришга ундади.

Ишибанинг Трамп билан биринчи учрашувидан сўнг, Япония бош вазири Япониянинг АҚШга киритадиган сармоясини 1 триллион долларга етказишни ваъда қилди.