Ироқ Бош вазири Муҳаммад Шиа ас-Судани АҚШ президентлик сайловларида ғалаба қозонган Дональд Трамп билан телефон орқали мулоқот ўтказди. Бу ҳақида Ироқ ҳукуматининг матбуот хизматига таяниб "Anadolu" АА хабар берди.
Қайд этилишича, телефон суҳбатида ас-Судани Трампнинг сайловолди ваъдаларидан бири — минтақадаги урушларга барҳам бериш ҳақида гапирган. Улар бу борада биргаликда ва мувофиқлаштирилган тарзда ҳаракат қилишга келишган. Шунингдек, ас-Судани Трампни сайловдаги ғалабаси билан табриклаган. Икки давлат раҳбарлари ўзаро стратегик шерикликни ривожлантириш ва иқтисодиёт, молия, энергетика ҳамда технологиялар соҳаларида яқин ҳамкорлик қилишини билдирган.
Трамп ўз навбатида, ас-Судани билан илиқ муносабатлар кун тартибини ишлаб чиқиш ва келажакда учрашиб, Ироқ ва АҚШ ўртасидаги муносабатларни яхшилаш масалаларини муҳокама қилишини айтган.
АҚШ Украинанинг Россия ҳужумини тўхтата олмаслигини эълон қилди
Россия ва Хитой мудофаа харажатларини 50 фоизга оширди – биз эса чангда қолиб кетибмиз — Daily Express
Расман! Ўзбекистонликлар Янги йилда неча кун дам олиши маълум бўлди
