Ирландия терма жамоаси УЕФА Миллатлар лигаси Б лигаси гуруҳ босқичининг 1-турида Исроилга қарши ўйинни бойкот қилиши мумкин. Бу ҳақда журналист Лайла Ҳамед X ижтимоий тармоғида хабар берди.
Учрашув эртага, 27 сентябрь куни ўтказилиши керак.
Манбага кўра, айрим футболчилар майдонга тушишдан бош тортиш ниятида. Бугун, 26 сентябрь куни жамоа машғулотни белгиланган вақтда бошламаган. Футболчилар ва мураббийлар штаби икки соатдан бери йиғилиш ўтказмоқда.
Аввалроқ ОАВда Ирландия ва Исроил терма жамоалари Миллатлар лигасидаги ўзаро учрашувлардан кейин футболкаларни алмашмаслиги ҳақида хабар берилган эди.
Гуруҳ босқичида Ирландия ва Исроил ўртасида икки ўйин ўтказилиши режалаштирилган — 27 сентябрь ва 4 октябрь кунлари.
Учрашувлар нейтрал майдонларда ўтказилади: бири Сербияда томошабинларсиз, иккинчиси эса Венгрияда ирландиялик мухлисларсиз бўлиб ўтиши кутилмоқда.
Мбаппе: "Аввал Роналду менинг кумирим эди, энди эса..."
Эрон устидан ғалаба Ўзбекистонни ФИФА рейтингида юқорига кўтарди
Испания ҳакамлар қўмитаси Мадрид дербисидаги жиддий хатоликни тан олди
