Ҳамкорликда пиллачилик соҳасини ривожлантириш, ишлаб чиқариладиган маҳсулотларнинг турларини янада кенгайтириш, пиллачилик тармоғи корхоналарининг экспорт ва инвестиция фаолиятини ҳар томонлама қўллаб-қувватлаш бўйича фикр-мулоҳазалар билдирилди.
Мамлакатимизда ипак маҳсулотларининг экспорт географиясини кенгайтиришга эътибор қаратилмоқда. Бунинг натижасида пилла хомашёсини етиштириш, уни қайта ишлаш ҳисобига экспортбоп ипак маҳсулотлари ишлаб чиқариш ҳажмини кўпайтириш ҳамда республикамизнинг чекка ҳудудларидаги аҳоли, айниқса, аёллар бандлигини таъминлаш имкони кенгаймоқда.
Учрашувда ўзбек ипак ва жун маҳсулотларини Японияга экспорт қилиш, шунингдек, соҳа мутахассисларини Японияга малака оширишга юбориш, у ердаги ипакчилик тарихини ўрганиш ҳамда икки томонлама манфаатли ҳамкорлик алоқаларини йўлга қўйиш масалалари муҳокама қилинди.
