Американинг микросхемалар ишлаб чиқарувчи Intel компанияси ўз бизнесини жонлантириш ва рақобатчиларига етиб олиш мақсадида 15 мингдан ортиқ ишчисини қисқартирмоқчи. Ушбу янгиликлар фонида компания акциялари қиймати 20 фоизга тушиб кетди.
Компания 2024 молиявий йилнинг тўртинчи чорагида дивидендлар тўламаслигини ва бутун йилга мўлжалланган капитал харажатларини 20 фоиздан ортиққа қисқартиришини эълон қилди.
Компания бош директори Пэт Хелсингерга кўра, Intel’нинг зарарга киришига сунъий интеллект юкламаларни камайтиришга ёрдам берадиган Ultra PS чипларини ишлаб чиқаришни тезлаштириш борасидаги қарори билан боғлиқ. Шунингдек, у компания Intel 4 ҳамда 3 чипларини ишлаб чиқариш Орегондаги заводдан Ирландиядаги заводда кўчиришни тезлаштиришга қарор қилганини, бу эса қисқа истиқболда кўплаб харажатларни юзага келтирганини билдирди.
Компаниянинг 15 мингга яқин ходими жорий йил давомида ишдан бўшатилади. Бош директор компания ўз харажатлари тузилмасини Intel’нинг янги операцион моделига мослаштириши ва иш услубини тубдан ўзгартириши кераклигини айтди. Бундан ташқари, Intel «сунъий интеллект каби кучли тенденциялардан» ҳали фойда кўрмади.
Хелсингернинг таъкдлашича, компания тез орада ишчилар учун кенгайтирилган пенсия ва ихтиёрий ишдан бўшатиш дастурини таклиф қилади.
Офицерлар оммавий равишда ишдан бўшамоқда
“Ахмат” қуролли бўлинмаси қўмондони Апти Алаудинов ўз ихтиёри билан таслим бўлган чеченларни қутқармаслигини, улар "яшашга лойиқ эмаслигини" айтди
Канцлер Олаф Шолцнинг Ўзбекистонга келишдан мақсади нима?
