Инсон ҳуқуқлари бўйича Ўзбекистон Республикаси Миллий маркази томонидан Инсон ҳуқуқлари умумжаҳон декларацияси қабул қилинганлигининг 75 йиллиги муносабати билан 2023-йил давомида инсон ҳуқуқлари соҳасида фаол ва самарали ҳамкорлиги учун Олий таълим, фан ва инновациялар вазирлиги ташаккурнома билан тақдирланди.
Ушбу эътирофга эришишда, шунингдек, олий таълим муассасаларида ижтимоий-сиёсий ва ҳуқуқий-профилактик тадбирларни ташкил этишда ва бу орқали талаба-ёшлар орасида ҳуқуқий саводхонликни оширишда Талаба ва ўқувчиларнинг ижтимоий фаоллигини ошириш марказининг ҳиссаси катта. Шу сабабли, Инсон ҳуқуқлари бўйича Ўзбекистон Республикаси Миллий маркази томонидан берилган ташаккурномани Ижтимоий-сиёсий фаоллик ва ҳуқуқий саводхонликни ривожлантириш бўлими бошлиғи Мансур Бойсариев қабул қилиб олди.
Тақдирлаш маросими 10-декабр “Инсон ҳуқуқлари куни” муносабати билан ташкил этилди. Ушбу ютуқга эришишга ўз муносиб ҳиссасини қўшган барча ходимларга омад ва зафарлар тилаймиз.
