ФИФА президент Жанни Инфантинонинг FIFA Forward Enterprise лойиҳасидан воз кечганидан сўнг ўз обрўсини ҳимоя қилиш учун барча зарур чораларни кўришини маълум қилди.
Бу ҳақда ФИФА матбуот хизмати баёнотида айтилган.
Таъкидланишича, ташкилот раҳбарияти лойиҳанинг ёпилиши оқибатлари ва ички процедураларни такомиллаштириш зарурлигини муҳокама қилиш учун Рабатда фавқулодда йиғилиш ўтказган.
"ФИФА ўзининг яхлитлигига қилинган ҳар қандай ҳужумларга тоқат қилмайди ва обрўсини ҳимоя қилиш учун барча зарур чораларни кўради", дейилади баёнотда.
Ташкилот ташаббусни ишлаб чиқиш жараёнида хатоларга йўл қўйилганини тан олди ва ФИФА аъзоларидан узр сўради. Федерация шунингдек, ички текширув ўтказишга ва натижалари кейинги бошқарув кенгаши йиғилишида тақдим этилишига ваъда берди.
Аввалроқ Жанни Инфантино Жаҳон чемпионати тижорат ҳуқуқларини бошқаришга хусусий инвесторларни жалб қилишни кўзда тутган FIFA Forward Enterprise лойиҳасидан воз кечган эди. Ушбу ташаббус УЕФА, КОНКАКАФ, АФС ва КОНМЕБОЛ каби футбол конфедерацияларининг кескин танқидига учради.
Ҳусановнинг дўсти рекорд нархга трансфер қилинди
Олимлар Ер аҳолиси сонини босқичма-босқич камайтириш ғоясини илгари сурди
"Ҳей, деди, Трампингни гапигаям..., деди" - Нетаньяху Трампнинг чақириғига қарамай, Ғазога ҳужумларни тўхтатишдан бош тортди
