Инфантино Криштиану Роналдунинг Португалия терма жамоаси билан хайрлашишига муносабат билдирди

FIFA президенти Жанни Инфантино Португалия терма жамоаси билан хайрлашаётган Криштиану Роналдуга бағишлаб мурожаат эълон қилди.

У Instagram саҳифасидаги постида Роналдуни буюк футболчи деб атади ва камдан-кам ўйинчилар бутун дунёдаги мухлислар қалбига португалиялик футболчи каби таъсир кўрсата олганини таъкидлади.

Инфантинонинг қайд этишича, Роналду футбол бўйича жаҳон чемпионатлари тарихида ўз номини абадий муҳрлаган. У португалиялик ҳужумчи жаҳон чемпионатининг олтита турли мусобақасида гол урган биринчи футболчи бўлганини эслатди.

Шунингдек, Роналду эркаклар миллий терма жамоалари тарихида энг кўп гол урган футболчи ҳисобланади.