Жанубий Кореянинг мудофаа харидлари дастури маъмурияти раҳбари Сок Ченгун Индонезияни KAI (Korea Aerospace Industries) билан бешинчи авлод қирувчи KF-21 қўшма дастуридан чиқариб ташлаш имкониятини кўтарди.
Ҳаммаси Жанубий Корея индонезиялик муҳандисларни қирувчи самолётнинг энг муҳим махфий технологик маълумотларини ўғирлаганликда гумон қилганидан бошланди. Шундан сўнг муҳандислар ҳибсга олинган, тергов ҳаракатлари олиб борилмоқда. Бу воқеа Сеул ва Жакарта муносабатларига салбий таъсир кўрсатди.
«Агар текширув натижалари технологиянинг сезиларли даражада сизиб чиқишини кўрсатса, биз биргаликда ривожланиш соҳасидаги ҳамкорликни қайта кўриб чиқамиз», деди Сок.
💻 Жанубий Кореяда ишлайдиган индонезиялик муҳандислар томонидан содир этилган маълумотлар ўғирланиши биринчи марта 2024 йил январида фош этилган. Воқеа Жанубий Корея контрразведкаси томонидан текширилмоқда.
Сок ўз баёнотида икки шерик ўртасидаги яна бир муаммога ҳам тўхталиб ўтди: Индонезиядан кечиктирилган тўловлар.
«Индонезия билан ҳамкорликда ишлаб чиқиш доирасида биз технологиянинг бир қисмини узатиш ва уларнинг ҳиссаси эвазига прототипларни тақдим этиш мажбуриятини олдик, бироқ Индонезия қийин молиявий аҳволда. Улар бор-йўғи 435 миллион доллар тўлаб, камроқ олади», — деди у.
✍️ Эслатиб ўтамиз, Индонезия Жанубий Кореянинг бешинчи авлод КF-Х қирувчи самолётини ишлаб чиқиш лойиҳасига 2010 йилда қўшилган ва Индонезияда IFX деб номланган 48 та КF-21 сотиб олиш мажбуриятини олган эди.
Мактабларда кузги таътил вақти эълон қилинди
Эрон огоҳлантирмоқда...
Россия муҳожирларни катта тезликда чиқариб юбормоқда
