Илон Маск OpenAI раҳбарларини кескин ҳақорат қилди

Америкалик миллиардер Илон Маск OpenAI раҳбарларини кескин танқид қилиб, уларни «мутлақо ишончсиз аблаҳлар» деб атади ва нотижорат ташкилотни «ўғирлаб олганликда» айблади. Бунга компаниянинг Cursor ишлаб чиқувчиси билан ҳамкорликни тўхтатиш қарори сабаб бўлган.

«Скам Алтман ва Грег Стокман — мутлақо ишончсиз аблаҳлар. Улар очиқ кодли нотижорат ташкилотни ўғирлаб олишди», — деб ёзди Маск X ижтимоий тармоғида.

Миллиардер ўз постида рақибларининг исмларини атайлаб ўзгартирган. У Sam ўрнига инглиз тилида «фирибгарлик» маъносини англатувчи scam сўзини ишлатган, Brockman фамилиясини эса Stockman деб ёзган.

Маскнинг бундай муносабатига OpenAI’нинг Cursor билан ҳамкорликдан воз кечгани сабаб бўлгани айтилмоқда. Матнда қайд этилишича, бу қарор Cursor ишлаб чиқувчиси SpaceX назоратига ўтганидан кейин қабул қилинган.

Cursor айни пайтда OpenAI, Google, Anthropic моделлари, шунингдек, Илон Маскнинг xAI компаниясига тегишли Grok билан ишлайди.