Илон Маск Канадага жаҳл қилди: Tesla’га қарши қарор "ақлдан озиш"!

Илон Маск Канаданинг Tesla бўйича қарорига муносабат билдирди.

Технология соҳаси миллиардери Илон Маск Канада вилоятининг Теслани электр маҳсулотлари учун чегирмалар дастуридан чиқариш қарорини танқид қилди.

Британия Колумбияси бош вазири Девид Эби "Канада маҳсулотларига афзаллик бериш" мақсадида Tesla маҳсулотларини вилоятнинг электр чегирмалари сиёсатидан чиқариб ташлашини маълум қилди.

Эби чоршанба куни Tesla маҳсулотлари энди Британия Колумбиясининг CleanBC ёки BC Hydro чегирмалари дастурига киритилмаслигини эълон қилди. BC Hydro веб-сайтига кўра, бу дастур уйда зарядлаш станциясини ўрнатмоқчи бўлганларга харажатнинг 50 фоизигача қоплайди.

Эби ўз баёнотида шундай деди: "Британия Колумбияси ҳукумати ва BC Hydro келажакдаги чегирма дастурларимизда Канада маҳсулотларига устунлик бериш ва имкон қадар АҚШ ишлаб чиқарган маҳсулотларни истисно қилиш учун чоралар кўрмоқда.

"2025 йил 12 мартдан бошлаб, Tesla маҳсулотлари (электромобиль зарядлагичлари, энергия сақлаш аккумуляторлари ва инверторлар) CleanBC ва BC Hydro чегирмаларидан фойдалана олмайди. Агар сиз 2025 йил 12 мартгача Tesla маҳсулотини харид қилган ёки олдиндан тасдиқланган бўлсангиз, у ҳамон чегирмаларга лойиқ бўлиб, одатдагидек кўриб чиқилади."

Маск бунга жавобан ижтимоий тармоқларда бу қарорни "ақлдан озиш" деб атади ва жавоб тариқасида Канаданинг SpaceX ва Starlink хизматларига киришини тўхтатиши кераклиги ҳақидаги хабарни қайта улашди.

Маскнинг Трамп маъмурияти билан юқори даражадаги алоқаси Tesla савдосининг жаҳон миқёсида пасайиши билан бир вақтга тўғри келди.

Февраль ойининг охирида Маскни Канада фуқаролигидан маҳрум қилиш тўғрисидаги мурожаатномага бош вазир Жастин Трюдога юборилишидан олдин минглаб имзолар қўйилди. Унда Маскнинг фаолияти "Канаданинг миллий манфаатларига зид" деб таърифланган эди.