ЖАМА Ички Тиббиёт томонидан нашр этилган тадқиқот натижаларига кўра бир марта ишлатиладиган тиббий процедура ниқобини мато остидан кийиш, бурун ва оғиздан нафас олиш томчиларининг оқимини сезиларли даражада камайтиради. Бу эса COVID-19 тарқалишини чеклаши мумкин. Маълумотлар шуни кўрсатадики, «икки карра ниқоблаш» – ёки бурун ва оғиз устига иккита қоплама кийиш фильтрлаш самарадорлигини яхшилайди.
Тадқиқотчилар соғлиқни сақлаш шароитида ишлатиладиган бир марталик процедура ниқоблари билан одатда тиббий даражага эга бўлмаган мато юзларини бир вақтнинг ўзида ишлатишга эътибор қаратдилар.
Ушбу бирикма, одатда, бурун кўпригидан оғиз остигача бўлган жойни ёпишда самарали бўлиб, коронавирусни тарқатадиган нафас олиш томчиларини чиқаришни чеклайди.Тадқиқот муаллифларидан бири Эмили Сикберт-Беннет «биз ниқоб ва юз териси ўртасидаги алоқани яхшилайдиган ўзгаришлар, шу жумладан протседура ниқоблари устига гаитерс ёки банданалар каби тўлиқ қамраб олувчи ниқоблар ҳимоя вазифасини яхшилашда энг самарали бўлганлигини аниқладик» деб UPI га хабар берди.
Бизни икки томонлама ниқоблаш самарадорлиги яхшиланганлиги сабабли энг самарали йўл шу усулдан фойдаланиш, дейди Шимолий Каролина университети юқумли касалликлар кафедраси мудири Чапел Ҳилл.
АҚШ Касалликларни назорат қилиш ва олдини олиш маркази февраль ойининг бошларида, мамлакатнинг кўплаб ҳудудларида COVID-19 билан касалланиш ҳолатлари кўпайиб бораётган пайтда икки марта маскаланишни тавсия қила бошлади.
Бурун ва оғиз устига иккита қоплама кийиш вирус тарқалишидан 95 фоиз ҳимоя қилади ва вактсинадан иммунитет ҳосил бўлгунча пандемияни олдини олишга ёрдам беради.
Ушбу тадқиқот учун Сиcкберт Беннетт ва унинг ҳамкасблари учта кўнгилли – битта аёл ва иккита эркак томонидан ишлатиладиган ниқобларнинг фильтрлаш самарадорлигини ўлчашди.Бундан мақсад турли ўлчамдаги мавзулар бўйича маскаларни фильтрлаш самарадорлигини синаб кўриш ва улар буни олти хил сценарийларга асосланиб амалга оширдилар.
Маълумотлар шуни кўрсатдики, полиестер гаитери остидаги бир марталик тиббий протседура маскаси 81 фоиз фильтрланиш билан нафас олиш томчиларини чиқарилишидан энг яхши ҳимоя воситаси деб топилди.
Тадқиқотчиларнинг таъкидлашича, пахта банданаси остига тақилган протседура ниқоби қўйиб юборилган томчиларнинг 77 фоизини фильтрлаган, пахта ниқоблари билан биргаликда эса томчилар тарқалишини 66 фоизга камайтирган. Тадқиқотчиларнинг фикрига кўра энг кам ҳимояни таъминлаган учта ниқоб – полестер гаитер, бандана ва пахта ниқоби фильтрлаш самарадорлиги 40 фоиз дан сал кўпроқ бўлган.
Маълумотлар шуни кўрсатдики, бир марталик тиббий протседура ниқоблари вирус томчилари оқимини 60 фоизгача камайтирди.
Бундан ташқари, тиббий муолажалар учун ниқоблар пахта ёки полиестер қопламаларига тақилганида, фильтрлаш самарадорлиги 55 фоиздан 60 фоиз оралиғида бўлган.
Бу шундан далолат берадики, тиббий протседура маскалари устига пахта ёки полиестер билан ёпилган ҳолда икки марта ниқоблаш, нафас олиш томчилари чиқишига қарши энг яхши ҳимоя воситасини беради.
«Икки карра ниқоблашнинг энг яхши шакли бу сиз ва сиз ўзаро алоқада бўлган одам ниқобга эга бўлишидир», деди Сикберт-Беннет.
