ОТМ бакалавриатига ўқишга киришда тест синовлари билан бирга касбий (ижодий) имтиҳонлар ўтказиладиган таълим йўналишларида касбий (ижодий) имтиҳонлар аввалги йилларда олинган мос фан бўйича тест синовлари билан алмаштирилди.
Олий ва ўрта махсус таълим вазирлигидан хабар беришларича, бу ҳақда Давлат қабул комиссиясининг тегишли қарори қабул қилинган.
Унга кўра, ижодий имтиҳон тест билан алмаштирилаётган йўналишлар сони 12та бўлиб, улар архитектура, журналистика, диншунослик ва исломшунослик кабилардан иборат.
Эслатиб ўтамиз, аввалроқ ижодий имтиҳон ўрнига тест топширадиган абитуриентлар сони 7200га яқин экани маълум қилинганди.
