Ҳизбуллоҳ 11 та ҳарбий амалиёт ўтказди

Исроил Ғазо секторида босқинчилик ва қирғинбарот урушини бошлаганига 357 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️Босқинчилар Рафаҳ ва Жабалия ва Нусейрат лагерларига ҳужум қилди. 24 соат ичида 36 киши вафот этди. Уруш бошланганидан буён 41534 киши шаҳид бўлди.

▪️Босқинчилар Жабалия лагеридаги муҳожирлар учун Ал-Фалужа мактабига ҳужум қилишди. 17 киши ҳалок бўлди, ўнлаб кишилар яраланди. Ал-Ақса касалхонасидаги чодирларга ҳам зарба берилди.

▪️Ҳизбуллоҳ 11 та ҳарбий амалиёт ўтказди. Рафаэл ҳарбий мажмуаси, Даду базасининг қўмондонлик штаб-квартираси, Жалила дивизияси ва унинг Амиададаги омборлари, Самсон базаси ҳужумга учради. Сафадга 80 та ракета, Кирят Атага 50 та ракета отилган.

▪️Исроилнинг Ливан шаҳарларига уюштирган ҳужумларининг тўртинчи кунида 92 киши ҳалок бўлди, 153 киши яраланди. Шаҳидларнинг умумий сони 700 кишидан ошди.

▪️Тел-Авивда Ямандан баллистик ракета учирилгандан сўнг 2 миллиондан ортиқ келгиндилар бомбапаноҳларга яширинди. Ҳужум ва талотўпларда 17 та босқинчи жароҳатланди.

▪️Норвегия: Фаластинликларга иқтисодий ёрдамни кучайтириш керак. Ҳозирда Фаластин давлатини яратишга қаратилган кенг халқаро коалиция мавжуд.

▪️Саудия Ташқи ишлар вазирлиги Фаластин давлатини яратиш бўйича халқаро коалиция тузилганини эълон қилди.