Ҳиндистон жанубидаги Тамилнаду штатидаги пиротехника заводида юз берган портлаш оқибатида 8 киши ҳалок бўлди, яна 16 киши жароҳатланди. Бу ҳақда Sinhua агентлиги хабар берди.
Портлаш Тамилнаду штати маркази Ченнай шаҳридан 80 километр жануби-ғарбда жойлашган Канчипурамнинг Курувималай туманидаги фабрикада тўсатдан ёнғин содир бўлган.
«Бугун Курувималай туманидаги пиротехника заводида портлаш содир бўлди, натижада беш киши воқеа жойида ҳалок бўлди, яна уч киши олган жароҳатлари туфайли шифохонада вафот этди», — деди Канчипурам тумани маъмурияти вакили.
Расмийларнинг маълум қилишича, жароҳатланганлардан 13 нафари Канчипурам давлат касалхонасига ётқизилган, қолган уч нафари эса Ченнайдаги иккита касалхонага юборилган.
Расмийларнинг айтишича, қурбонлар сони ортиши мумкин, чунки ярадорлардан баъзиларининг аҳволи оғир.
Портлашдан сўнг заводда ёнғин келиб чиққан ва портлаган петардаларнинг овози эшитила бошлаган.
Полиция маълумотларига кўра, бино қулаб тушган, заводда қутқарув операцияси олиб борилмоқда. Портлаш вақтида у ерда 25 дан ортиқ одам ишлаган.
Аriston компанияси миллийлаштирилгач, Россия элчиси Италия ТИВга чақиртирилди
ЕЧЛ. Ярим финал. "Бавария" "Реал" билан жанговар дуранг қайд этди
Оқ уй Байденнинг чиқишларини қисқартиради
