Якшанба куни Ҳиндистон жанубидаги Андхра-Прадеш штатидаги петарда фабрикасида юз берган портлаш оқибатида камида саккиз ишчи ҳалок бўлди, етти нафари жароҳатланди. Бу ҳақда Синьхуа агентлиги хабар берди.
Маҳаллий полициянинг маълум қилишича, воқеа Андхра-Прадеш штатининг маъмурий маркази Амаравати шаҳридан 303 километр шимоли-шарқда жойлашган Анакапалли туманидаги Кайласапатнам қишлоғида содир бўлган.
Жароҳатланганлар яқин атрофдаги шифохонага етказилган.
Дастлабки тергов натижаларига кўра, портлаш фабриканинг портловчи моддалар сақланадиган омборида содир бўлган ва ёнғин тезда бутун бино бўйлаб тарқалиб, бир неча ишчининг қочишига тўсқинлик қилган. Ҳодиса вақтида фабрикада 15 киши ишлаган.
Ўт ўчириш бўлими вакили Ниранжан Реддининг сўзларига кўра, портлаш ва ундан кейинги ёнғиннинг эҳтимолий сабаби ишлаб чиқариш жараёнида инсон хатоси бўлган.
Хитойликлар оролни эгаллади ва тарк этди
Қозоғистон Хитойга ер бергани ҳақиқатми?
Россия Ҳиндистон ва Покистонга мурожаат қилди
