Ҳарбийлар мамлакат президенти Умару Сисоку Эмбалони ҳокимиятдан ағдарганини эълон қилди ва барча сиёсий институтлар, шунингдек, денгиз, ҳаво ва қуруқликдаги чегараларни вақтинча ёпди. Шунингдек, мамлакатда ижтимоий тармоқлар фаолияти чекланди.
Ҳарбийларнинг маълум қилишича, улар “Тартибни тиклаш бўйича Олий ҳарбий қўмондонлик”ни тузган ва махсус кўрсатма берилгунга қадар Гвинея-Бисcауни бошқаради.
Ҳарбийлар ўз ҳаракатларини "сайлов натижаларини манипуляция қилиш ва мамлакатни беқарорлаштириш режаси аниқлангандан сўнг мажбурий чора" сифатида изоҳламоқда. Уларнинг маълумотига кўра, бу режада айрим сиёсатчилар ва наркотик бозорлар вакиллари, шунингдек хорижий шахслар иштирок этган.
23 ноябр куни мамлакатда президентлик ва парламент сайловлари бўлиб ўтган, аммо расмий натижалар 27 ноябргача эълон қилиниши кутилаётганди. Ҳам амалдаги президент Эмбало, ҳам унинг асосий рақиби Фернанду Диаш де Кошта ўзини ғолиб деб эълон қилган, бу эса сиёсий беқарорликни янада кучайтирган.
Каспий денгизи иккига ажралиши мумкин
Тошкент вилояти ва Тошкент шаҳрида "ерфурушлар" қўлга тушди
АҚШнинг Тошкентдаги элчихонаси эълони
