Япония Осиё Футбол Конфедерацияси (ОФК) таркибидан чиқиб, янги Шарқий Осиё Федерациясини тузиши мумкин.
Ушбу қадам Япония футбол ассоциацияси (JFA)нинг ташкилотдаги фирибгарлик ва коррупцияга қарши норозилиги ортиб бораётгани билан боғлиқ.
Ироқнинг UTV нашри маълумотига кўра, JFA Саудия Арабистонида ўтказилган Элит Осиё Чемпионлар Лигаси мусобақаси атрофидаги баҳсли қарорлардан сўнг ОФКда "бадавлат араб мамлакатлари таъсири" кучайиб бораётганидан ғазабланмоқда.
Япониянинг "Виссел Кобе" клуби "Шандун Тайшан" жамоасининг мусобақани тарк этиши оқибатида турнир жадвалидаги ўрнини йўқотганидан кейин жиддий зарар кўрди. Шунга қарамай, ОФК Кобени аввалги воқеа учун 10 минг доллар миқдорида жаримага тортди. Бу қарор икки ёқлама стандарт сифатида баҳоланди.
JFA Япония клублари ва футболчилари, жумладан Такефуса Кубо каби Европада ўйнайдиган юлдузлар, адолатсиз тақвим ва бошқарув муаммоларидан азият чекаётганини таъкидламоқда.
Манбанинг қўшимча қилишича, агар Шарқий Осиё ташкилоти тузилса, Японияга бошқа давлатлар, жумладан, Ироқ ҳам қўшилиши мумкин. Бу ҳаракат Осиё футболининг ҳозирги куч тузилмасини ларзага солиши мумкин.
Янгиланган Cobalt'нинг нархи эълон қилинди
Дунёдаги энг қашшоқ давлатлар
АПЛ. Абдуқодир Ҳусановнинг энг қиммат футболчилар рейтингидаги ўрни аниқ бўлди
