Гренландия бош вазири: "АҚШнинг бир қисми бўлишни хоҳламаймиз"

Гренландия АҚШ таркибига киришни истамайди, бироқ ҳамкорликни мустаҳкамлашга тайёр. Бу ҳақда автоном вилоят бош вазири Муте Эгеде Fox News телеканалига берган интервьюсида маълум қилди.

"Биз америкалик бўлишни хоҳламаймиз, Америка Қўшма Штатларининг бир қисми бўлишни хоҳламаймиз, лекин биз Қўшма Штатлар билан мустаҳкам ҳамкорликни хоҳлаймиз" - деди бош вазир. Муте Эгеде Гренландия ҳар доим НАТОнинг бир қисми бўлишига ишонтирди.

Унинг таъкидлашича, Гренландия Вашингтонга жуда кўп нарсаларни таклиф қилади, шунинг учун орол АҚШнинг ресурс қазиб олиш сармоясига тайёр.