Гонконгдаги йирик ёнғин — қурбонлар сони 100 кишига яқинлашди

Гонконгда 26 ноябрь куни Wang Fuk Court турар жой мажмуасида келиб чиққан йирик ёнғин оқибатида ҳалок бўлганлар сони 100 кишига яқинлашди. Бу сўнгги 17 йилдаги энг катта фожиа сифатида қайд этилмоқда.

Олов бамбукдан ясалган қурилиш нарвонлари ва тез ёнувчан пенопласт материаллар сабаб тез тарқалган. Қурбонлар орасида бир ўт ўчирувчи ҳам бор.

Ўт ўчирувчилар ҳали ҳам бир нечта хонадонларни текшириб, яна қурбонлар йўқлигини аниқламоқда.

Тергов бошланди:
• 3 киши — 2 директор ва пудратчи маслаҳатчиси — эҳтиётсизлик ортидан ўлимга сабаб бўлганликда гумонланиб ҳибсга олинди;
• коррупцияга қарши идора 330 млн Гонконг долларлик таъмирлаш лойиҳаси бўйича алоҳида текширув ўтказмоқда.
🇨🇳 Хитой халқ Республикаси раиси Си Цзиньпин ҳамдардлик билдириб, йўқотишларни камайтириш учун барча чораларни кўришни топширди.