Гонгконгда содир бўлган йирик ёнғинда камида 94 киши ҳалок бўлди

Гонгконгда турар жой мажмуасида содир бўлган йирик ёнғин оқибатида камида 94 киши ҳалок бўлди — South China Morning Post.

Нашрнинг хабар беришича, яна 80 дан ортиқ киши, жумладан ўт ўчирувчилар ҳам, турли даражада жароҳат олган.

Ҳокимият бу ёнғинга энг юқори — бешинчи хавф даражасини берди. Ҳонгконгда ёнғинга бундай категория сўнгги марта 2008 йилда берилган эди. Ўт ўчириш хизмати раҳбарининг ўринбосари сўзларига кўра, ёнғин шамол ва учиб кетган парчалар сабаб “жуда катта тезлик” билан тарқалган. Ёнғиннинг расмий сабаби ҳали аниқланмаган.

Ёнғин билан боғлиқ ҳолда эҳтиётсизлик ортидан одам ўлимига сабаб бўлганликда гумон қилиниб уч нафар эркак ушлангани, дейилади South China Morning Post хабарида.