Германиянинг Дрезден шаҳри яқинидаги Хайденау ҳудудида қурғоқчилик туфайли суви саёзлашган Эльба дарёси соҳилидан оғирлиги 250 килограмм бўлган авиабомба топилди. Бу ҳақда Bild нашри маҳаллий полиция маълумотларига таяниб хабар берди.
Ўқ-дори дарё суви чекиниши натижасида очилиб қолган шағаллар орасидан аниқланган. Дастлабки маълумотларга кўра, авиабомба совет ишлаб чиқаришига мансуб бўлиши мумкин.
Bild ушбу топилманинг ғайриоддий эканига эътибор қаратган. Чунки 1945 йил февраль ойида Дрезден кучли бомбардимон қилинган вақтда шаҳарга ҳаво зарбаларини асосан Британия ва АҚШ кучлари берган эди.
Айни пайтда мутахассислар авиабомбанинг келиб чиқиши ва уни хавфсизлантириш билан боғлиқ ҳолатларни ўрганмоқда.
Дунёда атиги уч киши хорижга паспортсиз саёҳат қилиши мумкин
Муҳожирлар кетмоқда — Москва эса қайтишга чақирмоқда
Аманбай Оринбаевга генерал-майор унвони берилди
