Германияда ғойиб бўлган бола тирик топилди. У бир ҳафтадан кўпроқ вақт давомида канализация тизимида ётган, дея хабар беради BBC News.
Германиянинг Олденбург шаҳрида саккиз ёшли Жо исмли бола 17 июнь куни ғойиб бўлган. Бола шанба куни эрталаб топилган. Канализация қудуғи ёнидан ўтиб кетаётган киши унинг қичқириғини эшитиб қолган.
Қутқарувчилар болани уйидан 300 метр узоқликдаги канализация қудуғидан олиб чиқишди. Бола зудлик билан касалхонага ётқизилган. Ҳозирда унинг соғлиғига жиддий шикаст етмагани маълум бўлди.
Шанба куни полиция бола канализация тизимига кириб, ичкарида адашиб қолганини айтди.
Унинг ота-онаси маҳаллий матбуотга ўғлининг саломатлиги яхши эканини айтишган.
