2025 йил 4 июль куни Германиянинг Ганновер шаҳрида 31 ёшли эркак қўшниси бўлган 26 ёшли жазоирлик мусулмон аёл — Рахма Аятга пичоқ билан ҳужум қилди. Олинган оғир жароҳатлар натижасида Рахма воқеа жойида вафот этди.
Маҳаллий ОАВларга кўра, у кўкрак, елка ва юрак соҳаларига бир неча марта пичоқланган. Гумонланувчи ҳужум қилган куни ушланган.
Рахманинг яқинлари берган маълумотга кўра, у аввал ҳам бир неча марта оиласига қўнғироқ қилиб, ушбу қўшниси томонидан ирқий ҳақоратлар ва таъқибларга учраётганини билдирган. Онасининг сўзларига кўра, қизи ҳижоб таққани ва этник келиб чиқиши сабаб доимий босим остида бўлган.
Рахма полицияга бир неча бор мурожаат қилган, аммо ҳуқуқ-тартибот идоралари унинг шикоятларига жиддий ёндашмаган.
Ҳозирда марҳуманинг оила аъзолари ва мусулмонлар жамоаси ушбу воқеани нафрат асосидаги жиноят сифатида тан олишни талаб қилмоқда. Улар Рахманинг диний кийимга бўлган эътиқоди сабабли мунтазам таъқиб остида бўлганини ва охир-оқибат шу сабаб ўлдирилганини таъкидламоқда.
Мактабларда 1 сентябрдан смартфондан фойдаланиш тақиқланади
Кападзе: "Агар терма жамоамизни Бенту бошқарадиган бўлса, хайрли бўлсин дейман"
Тошкентдаги жанжал юзасидан расмий баёнот берилди
