Германияда 30 мингга яқин иш ўринлари қисқарилиши хавфи ҳақида хабар берилди

Баварияда мураккаб иқтисодий вазият ва таркибий ўзгаришлар туфайли металлга ишлов бериш ва электротехника саноатида тахминан 30 000 иш ўрни қисқартирилиши мумкин.

Бу ҳақда Die Zeit газетаси IG Metall касаба уюшмаси маълумотларига таяниб хабар берди.

Ташкилотнинг минтақавий бўлими раҳбари Хорст Отт Баварияда фаолият юритаётган компаниялар 32 000 та иш ўрнини қисқартиришни бошлаганини ёки эълон қилганини таъкидлади. Фақат автомобилсозлик саноатида ишдан бўшатиш компанияларнинг 54 фоизига таъсир қилади.

Шу билан бирга, атиги 3000 га яқин янги иш ўрни яратилди. Мудофаа секторини ривожлантириш ҳали муаммони ҳал қила олмайди, деди Отт. Унинг ҳисоб-китобларига кўра, автомобилсозлик соҳасидаги ҳар 10 та ишдан бўшатиш учун мудофаа секторида атиги битта янги иш ўрни яратилади.