Германия ва АҚШ Киевни NATO'га таклиф қилишга тайёр эмас

Бу ҳақда Politico АҚШ ва Шимолий Атлантика альянсининг тўрт нафар расмий ва дипломатига таяниб ёзмоқда.

Нашрнинг қайд этишича, Украина президенти Зеленскийнинг “ғалаба режаси”да Украинани NATO'га “зудлик билан таклиф қилиш” ҳақидаги банд бор.

"Ҳозирча альянс Украинага аъзолик бериш ёки таклиф қилишга тайёр бўладиган даражага етгани йўқ", — деди АҚШнинг NATO'даги доимий вакили Жулиан Смит.

Аввалроқ Зеленский Германия канцлери Олаф Шолц Киевни тезлик билан альянсга таклиф қилиш масаласини қўллаб-қувватламаслигини айтганди. Венгрия ва Словакия ҳам Киевнинг бу талабини қўллаб-қувватламаяпти.

"Бельгия, Словения ёки Испания каби давлатлар АҚШ ва Германиянинг қарорини кутишмоқда. Улар бу борада хулоса чиқаришга шошилмаяпти", — дейди NATO расмийларидан бири.

"Шу билан бирга, Россия Федерацияси томонидан катта таҳдидни ҳис қилаётган Болтиқбўйи мамлакатлари ва Полша бу фикрга катта иштиёқ билан қарашмоқда", дея таъкидлайди нашр.