Эроннинг Бирлашган Миллатлар Ташкилотидаги миссияси Қўшма Штатлар Исроилнинг Теҳронга қарши ҳар қандай тажовузига шерик бўлишини айтди.
"Америка Қўшма Штатлари Исроилнинг Эрон Ислом Республикасига қарши ҳар қандай тажовуз ҳаракатларини қўзғатишдаги роли, шунингдек, минтақавий ва халқаро тинчлик ва хавфсизлик учун ҳалокатли оқибатлари учун тўлиқ жавоб беради," - дейилади Эрон миссиясининг БМТ Хавфсизлик Кенгашига йўллаган мактубида.
Эроннинг доимий ваколатхонаси АҚШ президенти Жо Байденни 18 октябрь куни Берлинда бўлиб ўтган брифингда Исроил Эроннинг ракета ҳужумига қандай ва қачон жавоб беришини яхши тушунишини айтган нутқи учун "сукут билан маъқуллаш" ва "Исроилнинг Эронга қарши ноқонуний ҳарбий тажовузини очиқчасига қўллаб-қувватлаш"да айблади.
БМТдаги Эрон ваколатхонаси мактубида Хавфсизлик Кенгашини бу бефаҳм провокацияни қатъиян қоралашга, шунингдек АҚШдан ўзининг сезиларли таъсиридан фойдаланиб, Исроилни Ғазодаги урушни ва Ливандаги ҳужумларни дарҳол тўхтатишга мажбур қилишни талаб этишга чақирди.
