Украина қуролли кучлари июль ойи охиригача Германия-Украина лойиҳаси доирасида биринчи узоқ масофали тизимларни олиши мумкин.
Бу ҳақда Германия Мудофаа вазирлиги қошидаги Украинага ёрдам кўрсатишни мувофиқлаштириш бўйича ишчи гуруҳи раҳбари, генерал-майор Кристиан Фройдинг маълум қилди.
Киевда бўлган ҳарбийнинг таъкидлашича, Украина саноати вакиллари ва Украина Мудофаа вазирлиги ўртасида Германия томонидан молиялаштирилган келишувни имзолаш маросими бир кун аввал бўлиб ўтган.
"Биз бу ташаббусни май ойининг охирида бошладик ва бу ташаббус натижасида Украина Қуролли Кучлари шу ойнинг охиригача биринчи узоқ масофали қурол тизимларини олади. Кейин эса уч хонали рақам билан ифодаланган катта миқдорда ва бу Украина ҳаво мудофаасини сезиларли даражада кучайтиради" - деди ZDF телеканали эфирида.
Шу билан бирга, у Киевга “Россия ҳудудига чуқур кириб бориш ва омборлар, қўмондонлик пунктлари, аеродромлар, самолётларга ҳужум қилишга қодир бўлган қурол тизимлари зарурлигини” таъкидлади. Унинг сўзларига кўра, Германия Украинани бундай қурол тизимлари билан таъминлашга тайёр.
Мактабларда 1 сентябрдан смартфондан фойдаланиш тақиқланади
Кападзе: "Агар терма жамоамизни Бенту бошқарадиган бўлса, хайрли бўлсин дейман"
АҚШ Конгрессига номзод Валентина Гомес Қуръонни ёқиб юборди
