Германия ташқи ишлар вазири мажбурий ҳарбий хизматни зудлик билан жорий этишга чақирди

Германия ташқи ишлар вазири Йоханн Вадефуль Германияда мажбурий ҳарбий хизматни зудлик билан қайта жорий этиш тарафдори.

Вадефуль бу ҳақда Funke медиа гуруҳига берган интервьюсида маълум қилган.

"Мен ҳарбий хизматни зудлик билан жорий этиш тарафдориман", деди ташқи ишлар вазири. У бу ҳақда бир неча бор гапирганини таъкидлади. "Бироқ, биз бу масалани коалиция доирасида муҳокама қилишга мажбурмиз. Ҳукумат таклифларни илгари сурди, энди фракциялар музокара олиб, қонун бўйича қарор қабул қилиши керак. Ва, албатта, барча ҳолатлар ҳисобга олиниши керак", - деди Вадефуль.

Бундестаг келаси ҳафта Германияда ҳарбий хизматнинг янги модели ҳақидаги қонун лойиҳаси бўйича биринчи мунозарани бошлаши кутилмоқда. Германия Мудофаа вазирлиги Бундесвернинг сонини 260 000 фаол ходимларга ва захира кучларини 200 000 га оширишни мақсад қилган.