Германия Россиянинг НАТОга аъзо бўлиш ғояси ҳақидаги махфий ҳужжатларни эълон қилди

1994 йилда АҚШ ва Россия президентлари Билль Клинтон ва Борис Елцин Россиянинг НАТОга кириши масаласини жиддий муҳокама қилишган, бироқ Европа давлатлари, хусусан, Германия бунга қарши чиққан.

Махфий ҳужжатлар Германиянинг Der Spiegel нашри томонидан чоп этилган.

Журнал бир қанча махфий ҳужжатларни, жумладан Германия канцлери Гельмут Колнинг Клинтонга йўллаган мактуби, Россия ва АҚШдаги немис дипломатларининг ҳисоботлари, шунингдек, Германия ташқи ишлар вазирлиги раҳбари Клаус Кинкелнинг расмий ҳужжатларини таҳлил қилган.

Германия ва Европа давлатлари Клинтоннинг Россиянинг НАТОга қўшилиши ҳақидаги ғоясига қарши чиқди, "Россиянинг беқарорлигидан суғуртасини" йўқотишдан қўрқиб, иттифоқда "демократик ва хавфсиз" Москвага ўрин йўқлигига ишонди.

Ушбу ғояни амалга оширишнинг иложи йўқлигининг яна бир сабаби Хитой ва Мўғулистон билан чегарада Россияни ҳимоя қилиш зарурати бўлди, бу "ўйлаб бўлмайдиган" эди. Германиянинг ўша пайтдаги мудофаа вазири Фолькер Рюэ Россиянинг иттифоққа кириши мумкинлигини "унинг тугашининг далили" деб ҳисоблаганди.