Германия канцлери Россия ва Украина урушни якунлашдан ҳали анча йироқ эканини маълум қилди

Германия канцлери Россия ва Украина урушни якунлашдан ҳали анча йироқ эканини маълум қилди. Бу ҳақда DW хабар берди.

"Одатда урушлар бир ёки икки томоннинг иқтисодий ёки ҳарбий жиҳатдан ҳолда тойиши туфайли якунланади, бироқ Украина урушида биз бундай вазиятдан ҳали анча йироқмиз", — дея фикр билдирди Германия канцлери Фридрих Мерц Финляндия бош вазири Петтери Орпо билан ўтказилган матбуот анжуманида.

Мерцнинг таъкидлашича, европаликлар узоқ давом этадиган урушга тайёр бўлишлари керак, шу сабабли Европа Украинани фаолроқ қўллаб-қувватлаши ва унинг мудофаа қобилиятини таъминлаши лозим.

Ватиканда Киев билан музокара ўтказишдан Москва бош тортгани ҳақида гапирар экан, канцлер Россия ўт очишни тўхтатиш бўйича келишувга қизиқиш билдирмаётганини айтди.

Шунингдек, Мерц Германия ва Ғарбнинг бошқа давлатлари Украинага етказилаётган узоқ масофали қуроллар бўйича чекловларни олиб ташлагани ҳақидаги баёнотига ҳам изоҳ берди. Унга кўра, бу янгилик эмас, мазкур қарор бир неча ой аввал қабул қилинган.