Уч мингдан зиёд автомобил ортилган кема ҳамон ёнмоқда

Тинч океанининг Аляска соҳилларига яқин қисмида бир ҳафтадан буён Morning Midas кемаси ёнишда давом этмоқда, деб хабар берди Carscoops.

АҚШ қирғоқ қўриқлаш қизмати қутқарув амалиёти қатнашчиларининг хавфсизлигини таъминлаш ва зарарни камайтириш учун кема эгаси мутахассислари билан ҳамкорликда ишланаётганини маълум қилди. Айни пайтда ёнғин ўчоғига бутунлай барҳам бериш ва кемани хавфсиз акваторияга келтириш чоралари кўрилмоқда.

Кемага 3 мингдан зиёд автомобил ортилган, шулардан 681 таси — гибрид, 70 таси — электромобил.

Эслатиб ўтамиз, автомобиллар ортилган кемада ёнғин чиққани ҳақида 5 июнда хабар берилган эди. Morning Midas 26 май куни Хитой портидан чиқиб, Мексикага йўл олганди.

Кеманинг 22 нафар экипаж аъзоси ёнғинни мустақил ўчиришга уриниши самара бермаган. Кейинроқ АҚШ қирғоқ қўриқлаш хизмати уларни бошқа кемага эвакуация қилган.