Исроил Эронда "Арслон халқи" (Am Kelavi) деб номланган ҳарбий операция бошланганини эълон қилди.
Бу ҳақда Исроил мудофаа кучлари маълум қилган.
Қайд этилишича, операциядан мақсад Эрондан келаётган ядро қуроли таҳдидини бартараф этишдир.
"Эронда бир неча кун ичида бир неча бомба ишлаб чиқариш учун етарли даражада бойитилган уран бор ва бу яқинлашиб келаётган таҳдид олдида уни тўхтатиш керак", — дейилади баёнотда.
Бош вазир Беньямин Нетаньяху операция зарур бўлган вақтгача давом этишини айтди.
