Германия мудофаа вазири Борис Писториуснинг айтишича, Берлин Украинага иккита Patriot зенит-ракета комплексини етказиб беришга тайёр, бироқ улар тез орада алмаштирилиши кафолатланган тақдирдагина.
Бу ҳақда Борис Писториус Бавариянинг Эрдинг шаҳрига ташрифи чоғида айтиб ўтди.
"Биз ўз томонимиздан иккита тизимни беришимиз мумкин, аммо 6-8 ой ичида уларнинг алмаштирилишига ишончли кафолат бўлмаса, бу содир бўлмайди", — деди Мудофаа вазирлиги раҳбари.
Унга кўра, Бундесвер ўзининг мудофаа қобилиятини ва ҳарбийларни Patriot билан ишлашга ўргатиш қобилиятини сақлаб қолиши керак.
"Тизимлар етишмаслиги сабабли бир-икки йил машғулот ўтказа олмасак, машғулот ўтказиш қобилиятини йўқотамиз", — дея қўшимча қилди Писториус.
Вазир, шунингдек, Украинага камида бешта Patriot тизими кераклигини таъкидлади. Аввалроқ, Украина бўйича алоқа гуруҳининг виртуал йиғилишида у Германиянинг ушбу тизимларни Киевга тезлаштирилган тарзда ўтказишга кўмаклашиш ниятини тасдиқлаган эди.
Айрим мактабларда қизларга юбка кийиш тақиқланди. Ота-оналар норози!
Яқин ойларда Украина янги президентга эга бўлади
Европа нега Россияга қўллаётган санкцияларни Исроилга ҳам жорий этмаяпти?
