Ижтимоий тармоқларда Ангрен шаҳрида вояга етмаган 14 ёшли қиз 4 нафар йигит томонидан зўрлангани ҳақида хабарлар тарқалди. Ушбу вазият жамоатчилик томонидан кескин танқидларга сабаб бўлди. Болалар омбудсмани ҳолат юзасидан расмий маълумот берди.
Ҳолат юзасидан 2025 йил 9 май куни жиноят иши қўзғатилиб, ҳозирда дастлабки тергов ҳаракатлари олиб борилмоқда. Тергов жараёнлари устидан Ангрен шаҳар прокуратураси томонидан қатъий назорат ўрнатилган.
Мазкур ҳолат Болалар омбудсмани ва Ижтимоий ҳимоя миллий агентлиги томонидан алоҳида назоратга олинган. Мутасадди ташкилотлар яқиндан ҳамкорликда иш олиб бориб, жабрланувчининг ҳуқуқий манфаатлари ҳимояланишини таъминлашмоқда. Омбудсман ўз ваколати доирасида терговга оид барча жараёнларни мониторинг қилиб бормоқда.
Ижтимоий ҳимоя миллий агентлигининг ҳудудий "Инсон" ижтимоий хизматлар маркази мутахассислари томонидан боланинг хавфсизлиги ва руҳий ҳолатини тиклаш бўйича зарурий чоралар кўрилмоқда. Жабрланувчига психологик ёрдам, ижтимоий маслаҳатлар ва тиббий йўналтиришлар берилган. Мутахассислар бола ва унинг яқинлари билан тизимли равишда ишламоқда.
Расмий маълумотларга кўра, ҳозирда жабрланувчи қизга бронхопневмания ва анемия ташхиси қўйилган бўлиб, у шифохонада даволанмоқда. Ҳолат юзасидан қўшимча ахборотлар берилиши режалаштирилган. Давлат идоралари болаларни зўравонликдан ҳимоя қилиш борасида барча чора-тадбирларни кўришда давом этмоқда.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Европа нега Россияга қўллаётган санкцияларни Исроилга ҳам жорий этмаяпти?
Ўзбекистонлик блогер пичоқланди (фото)
